ەلباسى نۇرسۇلتان نازارباەۆتىڭ قازاقستان حالقىنا جولداعان ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتە-ءرى» اتتى جولداۋى مازمۇنىنىڭ 80 پايىزى قازاقستاندى تسيفرلاندىرۋ ماسەلەسىنە ارنالعان. سوعان وراي قوستاناي وبلىسىندا 68 جوبا جۇزەگە اساتىن بولادى. ولاردىڭ باسىم كوپشىلىگى اۋىل شارۋاشىلىعى سالاسىندا اتقارىلادى.
«اۋىل شارۋاشىلىعىنداعى «اقىلدى تەحنولوگيالاردىڭ » بارلىعى دا الدىمەن ەڭبەك ونىمدىلىگىن قامتاماسىز ەتەدى. تسيفرلى تەحنولوگيالاردى ەنگىزۋدىڭ ارقاسىندا كوكتەمگى دالا جۇمىستارىنا كەتەتىن شىعىن 15-20 پايىز قىسقارادى, ءونىمنىڭ وزىندىك قۇنى 10-15 پايىزعا تومەندەيدى» دەدى وبلىس اكىمىنىڭ ورىنباسارى مەيىرجان مىرزاليەۆ.
كەڭەيتىلگەن ماجىلىسكە قاتىسقان اۋى شارۋاشىلىعى ءمينيسترىنىڭ ورىنباسارى ارمان ەۆنيەۆ مۇنداي تسيفرلاندىرۋ تەحنولوگيالار تۋرالى امەريكالىق فەرمەرلەر تاجىريبەسىنەن ايتىپ بەردى. ولار بۇل جونىندە وتە كوپ العا كەتكەن.
قوستاناي وبلىسىنىڭ اۋىل شارۋاشىلىعى سالاسىن تسيفرلاندىرۋعا بيۋدجەتتەن 110 ميلليون تەڭگە ءبولىندى. سونىمەن قاتار مۇنداي وزىق تەحنولوگيا ءبىلىم بەرۋ, دەنساۋلىق ساقتاۋ جانە كوممۋنالدىق شارۋاشىلىق سالالارىنا دا ەنگىزىلەتىن بولادى. بۇل جونىندە ناقتى جۇمىستار جوسپارى جاسالدى. مىسالى وبلىستا ءىت تەحنولوگيا ماماندارىن دايىنداۋ قاراستىرىلادى, سونىمەن قاتار وسى باعىتتا دارىندى بالالارعا ارنالعان «وزات» مەكتەپ-ينتەرناتى بازاسىندا ارنايى مەكتەپ اشىلاتىن بولادى.
ءنازيرا جارىمبەت,
«ەگەمەن قازاقستان»
قوستاناي
